طبعا خطوات التقديم جدا بسيطة فقط اتبع المطلوب
طريقة التقديم:
1- تكدر تقدم عن طريق الحاسبة أو الموبايل نفس الشي
الفرق بالحاسبة تكون العملية أسهل وأسرع وبدون تعقيدات
2- لازم يكون عندك “إيميل” والأفضل والأسهل بالاستخدام هو “الجيميل”
إذا عندك إيميل شخصي وحافظه وتستخدمه فالأفضل تستخدمه
وإذا ما عندك تكدر تسوي واحد جديد من الرابط التالي: اضغط هنا
3- حضر مستمسكاتك لأن راح تحتاجها بكل خطوات التقديم
وإلي تشمل:
(تأييد أو وثيقة التخرج – المستمسكات الشخصية – شهادات الكفاءة – الاستمارات المطلوبة)
وإذا كنت موظف حضر التالي:
(عدم ممانعة للدراسات – أمر التعيين – وأمر المباشرة بالوظيفة(أو خلاصة خدمة وإستمرارية خدمة))
حسب الي تطلبه الكلية حتى تثبت عندك خدمة سنتين من تاريخ اخر شهادة
4- إفتح موقع الوزاري الخاص بالتقديم وهو موحد لكل جامعات العراق
الرابط: اضغط هنا
ماعدا جامعة بابل عدهم موقع خاص بيهم اضغط هنا
5- من تدخل للموقع سوي “إنشاء حساب”
فقط خلي معلوماتك بالحقول وراح يصيير عندك حساب
ولازم تفعل الحساب عن طريق الدخول على إيميلك وراح تشوف الموقع
راسلك رابط تفعيل تضغط عليه ويتفعل الحساب
ملاحظة1: لازم تدور بكل أقسام الايميل لان احتمال رابط التفعيل
يجيك “بالرسائل الغير مرغوب بها”
ملاحظة2: ركز بإنشاء الحساب ولا تستعجل لازم اسمك وايميلك
ورقم التيفون مضبوطة 100%
6- إملي المعلومات المطلوبة بالموقع الوزاري وهي
عبارة عن معلوماتك الخاصة بالتقديم والشخصية وتواريخ وأرقام الكتب الرسمية
مثل “تأييد التخرج” ومن تخلص إضغط على إرسال وإطبع الإستمارة
وراح تنزل على شكل ملف PDF بالحاسبة أو الموبايل
ملاحظة: من تخلص وتطبع الاستمارة لازم تسوي “تسجيل خروج” من الموقع
7- المرحلة الثانية بالتقديم هو
أغلب الجامعات تطلب إرسال المستمسكات على شكل ملف PDF
على “الإيميل” لو عن طريق “إستمارة غوغل”
وقسم قليل من الكليات تطلب تقديم ورقي داخل الكلية
حتى تحول المستمسكات الى ملف PDF
لاز تحولها الى “سكنر” إما عن طريق جهاز الطابعة إلي يحتوي على سكنر
أو عن طريق برامج الموبايل مثل “TapScanner”
رابط البرنامج للأندرويد: اضغط هنا
للأيفون: اضغط هنا
8- طريقة تحويل ملفات “السكنر” وإلي هي صور
الى ملف واحد PDF يجمعها كلها
يتم عن طريق برنامج “Microsoft Office Word”
الي موجود بأغلب الحاسبات وهم تكدر تحمله من النت
والبرنامج موجود على الموبايل
رابط الأندرويد: اضغط هنا
الأيفون: اضغط هنا
9- بعد ما تحولها الى ملف PDF
إما ترسلها للكلية على الإيميل او ترفع على نموذج استمارات غوغل
(حسب الي تطلبه الكلية إلي مقدم عليها)
نموذج لشكل ملف ال PDF
(نموذج فقط ممكن تتغير الاشياء المطلوبة حسب الكلية)
موجود بالرابط اضغط هنا
10- بعدها تنتظر الاستمارة المدققة
الي تجي على الايميل و الموقع الوزاري نفسه
من خلال الرابط: اضغط هنا
والي تستخدمها للدخول للامتحان التنافسي
